قصة الحداد والود سيّد الترزي

[عصام فرص]

مدينة لا تعرف الظلام ، ولا ينامون اهلها .. انها مدينة "دردق بس"
يشقها النهر .. ويقسم المدينة لضفتين ؛ الضفة الشرقية ..
ورشة الحداد "آدم" في الجهة الغربية من النهر
سُعاد وسيّد الترزي يقطنون في الجزء الشرقي للنهر
حلو ...

يتبع
،
،

[عصام فرص]

اغلب سكان الضفة الغربية مهنيين وعمال
موزعين بين مصنع الكبريت ومصنع الحديد والصلب
ومصنع اباريق البلاستيك الذي يدير خط الانتاج فيه ابو "سُعاد" المهندس "عمر"
وبالطبع ضفة ناس سعاد بها مصنع السكر
ومصانع الحلويات والكيك والباسطة

[عصام فرص]

عشرون سنة المهندس عمر يقطع هذا الجسر الذي يربط الضفتين ببعضهما ..
عدا ايام الجمع والاعياد
وكان سعيدا باستنشاقه للهوا النقي والخضرة التي تعتنق جانبي الطريق ومد البصر
لا سيما هذا الجسر الذي راء فيه ام سعاد وشريكة حياته عندما
احتفلت المدينة بيوم الافتتاح قبل اثنين وعشرون عاما .

[عمران]

بس عيبك (يتبع) دي
وفي الغالب لا بتبع ولا حاجة

المهم
تاكلين جمب مصنع الباسطة ومنتظرين التكملة

[عصام فرص]

بس عيبك (يتبع) دي
وفي الغالب لا بتبع ولا حاجة

المهم
تاكلين جمب مصنع الباسطة ومنتظرين التكملة

هههه اخوي عمران المدلعنو بـ عبدالسلام
العيب ليس فيني
انما في العسكر والثورات التي تعترضها عسرات
خصوصا المهندس عمر نشاء وترعرع في عطبرة
كذلك الحداد "آدم" من مواليد عطبرة وخريج معهدها الصناعي
اما الترزي "سيد" الغتيت تعلم الصنعة ـ اي الحياكة والتطريز ـ في سوق سعد قشرة
وبعدها سافر لديار سعاد .. ومكسّر فيها للان .
بدون مقدمات لستك سي عمر "نفّس" قبل ورشة آدم ببضع امتار
وفي رفقته بنتو سعاد لزيارة خالتها وداد ..
ركن عربته على جانب الطريق .. والحيرة تبدو عليه
احس آدم بذاك الرجل الذي يحتاج مساعد
فهب لمساعدته ..
ـ خير يا عمك
ـ ابدا يا ابني .. بس اللستك دا نزل وانا ما بعرفو ليو
ـ جدا يا عمك .. الاسبير في
ـ ايوا في الضهرية
ـ شديد يا عمك افتح لينا الخلف دا
في الحوار الدائر دا "كحل" آدم سُعاد (حاجة كدا بقاقة بس)
يتبع ،،،

[عصام فرص]

بقاقة دي وصف تعبيري للحداد ولا فهرس
لها في ادبيات الكاتب او "فرس" مردوف لها
المهم
بعدما اخذ عدة الفك والرفع من الضهرية
هم برفع اللستك الخطاء الذي يقع في الامام
جهة سعاد لو لا تنبيه المهندس عمر له
ـ سوري يا عمك .. عجل الهديد دا ما اصلي دقيقة يان نخت الطوب
ـ ههههه تمام تمام جدا
في هذه اللحظة مرت "ركشة" في قلبها من الجزء الخلفي يجلس سيد الترزي
هل تعرفّ "سيد" على عربة المهندس ؟

يتبع ،،،

[أبو صديق]

أرح بنشر اللستك ده موتابعييييييييين يا عمك

[عصام فرص]

أرح بنشر اللستك ده موتابعييييييييين يا عمك

هههههههه
تخيّل بقبقة بااقا من صلب اب شيوعي
ورويانة من رحم امراة ليبرالية
ترعرعت وسط كيزان "معفنيين" لا دين لهم همهم اكل الباسطة
(ميتييش منقة التاكا زاتو)
وحاة سيدي الحسن مهما
هي اجمل من ذلك
لدرجة لن تلاحظ في خدها غمازة
تلك هي سعاد في عقدها الثاني
تجلس الان في المقعد الامامي بعربة والدها
الذي يقف بجوار آدم الذي يحاول فك المسامير لتغيير لستك
العربية ، و سيّد الترزي يستأذن سائق الركشة
الوقوف امام ورشة التعاون ـ اي ورشة ادم ـ ..
يتبع
،
،

[Abdelazim]

ياخي تعال تم القصة ما تبقي لايوق

[ود المصطفى]

ود فرص

اليوم منتهى المشتهى ليت الانتظار لا يطول اكثر

[عصام فرص]

ياخي تعال تم القصة ما تبقي لايوق

ههههههه سُكسُكُنا حبابك
بمناسبة الليوقة والويكي الحطب ، وهذا المشهد
موجود في القصة صفحة 67 السطر السابع
مشهد اول
كلب من صباح الرحمن الى غروب الشمس م لاقي ليو عضه
المهم من شدة الجوع م قادر يتحرك .. ولا نفاخ نار يوصله الكوشة ديك
رقد جمب مطعم المشويات بتاع عمك "شعيب" المطعم المفضل للمهندس عمر
خصوصا ايام الخميس "ايام القٌلّة" او الكريستالة ..
من صلاة المغرب للعشاء مافي زبون هوّب ناحية المطعم والكلب باسط زراعيه
سعاد تحي عم شعيب في حب واحترام
يرد عليها عم شعيب بكل مودة واصالة
الصبي الذي يعمل مع عم شعيب ، برضو ـ موكسسرـ في سعاد
وحكايتو حكايه ... دا ما بكانو
سعاد تعفص ضنب الكلب دون ان تشعر به
والكلب من الجوع والفتر ما قادر يكورك زاتو
خصوصا وزن سعاد النوع الـ من العفص ما بكتل
ولا من التصنيف النحيل البيطعن ويقطع داك
سميها نسمة زخة حلاوة لكوم ..
اخيرا حضر للمطعم مسطول سطلة جد
طلب تلاتا "شية صاج" وغسل يديه وجلس على "البنبر" ولا زال الكلب باسط ...
يا الله يا الله يرفع حواجبيه من التعب وشدة الجوع
بعد رمى عم شعيب قطع اللحم على الصاح
واختلط ريح اللحم مع ريحة مصارينه ـ اي الكلب ؛ انتعش الكلب قليلا
ورويدا رويدا بدأ الكلب في هز ذيله دون ان يرفعه سنتمترا واحدا عن الارض
مضت عشرون دقيقة وعم شعيب يقلب في الشيّة
والدخاخين عم البكان كتاحة بس
والله الكلب ما فضل ليو الا "يزغرد" من شدة م الجو دسيس والامل واعد
احضر صبي عم شعيب للمسطول الشطات والسلطات والماء
تزحزح الكلب بشق نفسو حتى يكون ذا مقربة من المسطول
لاهثا يردد الصبٌر الصبرررررر
ها قد وضع الصبي صينية اللحم امام المسطول
وعظم رائحة اللحم للكلب اكثر من ذي اول
مضت خمسة عشر دقيقة اخذت م اخذت من صبر الكلب ..
المهندس عمر وابنته سعاد يجلسان في الحوش
وها هي زوجته تحضر شاي اللبن مع البسكويت
ـ وآي يا ماما مافي بسبوسة
- يا بت خبيز امك دا احلى من اي بسبوسة
- هههههه ح نغيير انحنا
في اللحظة دي الكلب دينو طلع خلاااث
والمسطول كمل اللحمة كلها
عدا "العضم" الذي يمصمص فيو هارمونيكا بس
وتارة يضرب العظم على الصينية لاخراج طايوقها ويشفط
اخيرا وصل به المقام ان ينظر من جوف ذاك العضم لو بقي فيه مخُ
بينما هو كذلك ينظر بهذا العضم زي منظار القراصنة
وقع نظره على الكلب
في هذه اللحظة امسك الكلب زراعه الايمن من المنتصف بقبضة يده اليسرى موجها للمسطول

يتبع
،

[عصام فرص]

ود فرص

اليوم منتهى المشتهى ليت الانتظار لا يطول اكثر

ود المصطفى
اتعلم اخصب بكان للحب الانتظار (بعد داك هو وحظو مع المطر)
اتدري بالانتظار تتفتح السبل (جمع سبله)
لك الكأس هدية مني والبتلة هي الوان مرورك ..
عندما نزل سيد الترزي من الركشة
صاحّ يا اهل الله مافي زول هنا
التفت م عمر اليه لكي يجيبه .. يجده سيد الترزي
- اوو ابو السييد
- هندسة اخبارك سلامات
المهندس يوصف بيده ناحية اللستك
وسيّد ينظر الى سعاد بـ شفف وتذلل وهي مزهوة
ورد على المهندس : طيب ما ندفرها ..
- يا ابني اقول لك لستك تقول ...
لاحظ آدم ان هذا السان يطيل النظر في الجاحة
لولا تجاهل سعاد لـ سيد كان وراهو الكتاب
يتبع
،
،
.

[عصام فرص]

شان تكونوا في الصورة بس
ام سعاد اسمها ابتسام تخرجت في جامعة الاحفاد
مرات عديدة تم اعتقالها من قبل النظام
وقبل ان ترتبط بالمهندس عمر ، كانت على علاقة ـ حب ـ مع احد ابناء "تاجر محاصيل"
في حي العرب ام درمان
حينما التقى بها اول مرة في شارع العرضة
ركبت معه دون ادنى تردد .. وكانهما يعرفان بعض .. ليس امدها قريب !
وباقي تفاصيل قصة ابتسام مع ود تاجر العيش لا يعلمها الا الله ثم المهندس عمر (شيوعيااااو)

يتبع
،
،
.

[عادل القاسم]

اخوي عصام ازيك ياخ
قلت ليك احكي لي القصة دي من اول تاني لو سمحت عشان ما كنت متواجد سمح..

[عصام فرص]

اخوي عصام ازيك ياخ
قلت ليك احكي لي القصة دي من اول تاني لو سمحت عشان ما كنت متواجد سمح..

هههههه مين ؟
اخويا الكبير عادل
تصدق لمن فقدتك كتيييير
والزمن مال بينا آسى
والبكان دربك معاي
قت بس الزول دا بكون اتلحس مع الثوار في كولمبيا
دقيقة انتظر برجع ليك
،
،

[عادل القاسم]

هههههه مين ؟
اخويا الكبير عادل
تصدق لمن فقدتك كتيييير
والزمن مال بينا آسى
والبكان دربك معاي
قت بس الزول دا بكون اتلحس مع الثوار في كولمبيا
دقيقة انتظر برجع ليك
،
،

ي ريتني كنت اتلحست اليوم داك مع الرجال الاتلحسو في القيادة..
.
.
كنت اكون شهيد..
.
.
.قلت ليك وصف لينا سعاد دي ياخ..
.
.

[عصام فرص]

ي ريتني كنت اتلحست اليوم داك مع الرجال الاتلحسو في القيادة..
.
.
كنت اكون شهيد..
.
.
.قلت ليك وصف لينا سعاد دي ياخ..
.
.

زول كايس الشهادة ؛ سعُاد شن بدوربها
سعاد ملكة الراتات
والوجين جنة الغمازات
وقماشها المفضل "الليكرا " .. وهنا يحدث خروج روح الناظر (هكذا قال سيّد الترزي)
سعاد انا ـ فرص ـ ما شفتها !
بس قالوا لي ..
دا غير الـ سلاكس اللونو لون السحاب
وابو اوم "الرفل" مموج ـ كشكشة ـ زي زخات المطر يوم هبوبة داعشة ()
دا كوم .. والكوم الـ في جناح اوف ذا شولدر .. كتل عديل الله بيسالني (.. ذمة الراوي)
احمرار خدين بلا ردة فعل
لمعان عيون ..
وهي تشبك يديها اثنا حديثها
من فرح جواها لا خجلا ..
وقبل م اقوليك يتبع
اذكرك بان الرجل اسمو نعمان مش عمران (قال عمو قال)

[عصام فرص]

دي الشمس غابت ؛ وينو القمر طيب
وانا في انتظار عينيك
افرح بيها عينيا
ــــــــــــــــــــــــــــــــــــــــــــــــــ ــــــ
* آدم يدندن "بها "بينما هو يلّحّم في طربيزة حجة كلتوم .

[ودالبلال]

زول كايس الشهادة ؛ سعُاد شن بدوربها
سعاد ملكة الراتات
والوجين جنة الغمازات
وقماشها المفضل "الليكرا " .. وهنا يحدث خروج روح الناظر (هكذا قال سيّد الترزي)
سعاد انا ـ فرص ـ ما شفتها !
بس قالوا لي ..
دا غير الـ سلاكس اللونو لون السحاب
وابو اوم "الرفل" مموج ـ كشكشة ـ زي زخات المطر يوم هبوبة داعشة ()
دا كوم .. والكوم الـ في جناح اوف ذا شولدر .. كتل عديل الله بيسالني (.. ذمة الراوي)
احمرار خدين بلا ردة فعل
لمعان عيون ..
وهي تشبك يديها اثنا حديثها
من فرح جواها لا خجلا ..
وقبل م اقوليك يتبع
اذكرك بان الرجل اسمو نعمان مش عمران (قال عمو قال)

..........................

علي الجزيم وصف فااااات حد الوصف زاتو

غايتو يا فرص كان جيت في زمن ناس ود الرضى والسر قدور والناس البتمو الوصف هووووي هووووي هووووي
كان بكون ترتيبك قبل الاول بي مساااااااااااااااااافة .

[عادل القاسم]

مستر عصام ابن الحاج فرص
.
.
.
.
لازلنا منتظرين باقي قصتك
.
.
.
يتبع

[عصام فرص]

..........................

علي الجزيم وصف فااااات حد الوصف زاتو

غايتو يا فرص كان جيت في زمن ناس ود الرضى والسر قدور والناس البتمو الوصف هووووي هووووي هووووي
كان بكون ترتيبك قبل الاول بي مساااااااااااااااااافة .

منقة بس ولا ازيد .
ــــــــــــــــــــــــــــ
كيمان يتخلل فراغاته ارادب سمسم .

[عصام فرص]

مستر عصام ابن الحاج فرص
.
.
.
.
لازلنا منتظرين باقي قصتك

يتبع

معذرة يا استاذ عادل
لا استطيع تكملة "الرواية" لوجود اناس جهلاء
يجزمون بان الايروتيكية مرادفة للبورنوغرافيا (تخيّل) .
ــــــــــــــــــــــــــــــــــــــــــــــــــ ـــ
لو "مصر" اعفص الرابط ادناه :

http://www.sudanelite.com/vb/member....81%D8%B1%D8%B5

[عادل القاسم]

معذرة يا استاذ عادل
لا استطيع تكملة "الرواية" لوجود اناس جهلاء
يجزمون بان الايروتيكية مرادفة للبورنوغرافيا (تخيّل) .
ــــــــــــــــــــــــــــــــــــــــــــــــــ ـــ
لو "مصر" اعفص الرابط ادناه :

http://www.sudanelite.com/vb/member....81%D8%B1%D8%B5

معليش اعذرني ما بقدر اعفص ما لابس سفنجة معليش
.
.
.
.
.
عادل غادر القروب