معذرة اخوانا الحردانين

[alsharif]

تغيب عنا بعض الاخوة والاخوات فى الايام الماضية ولكن تغيبهم غير معتاد

بعضهم إذا لم يدخل النخبة ذلك اليوم لا يذوق طعما ليومه

مهما كانت ظروف الغياب للاخوة المداومين على الحضور والتواجد والمشاركة بالاستمرار

ندعوهم للتواجد والمتابعة لنطمئن عليهم وعلى صحتهم

ونعتذر لهم واطلب من اخوانى الكرام أن يعتذروا اذا أخطأ أحدهم فى حقهم

ليعودوا لنا ويضيء المكان .. ودائما ان شاء الله تامين ولامين

[شريف حمدى]

تغيب عنا بعض الاخوة والاخوات فى الايام الماضية ولكن تغيبهم غير معتاد

بعضهم إذا لم يدخل النخبة ذلك اليوم لا يذوق طعما ليومه

مهما كانت ظروف الغياب للاخوة المداومين على الحضور والتواجد والمشاركة بالاستمرار

ندعوهم للتواجد والمتابعة لنطمئن عليهم وعلى صحتهم

ونعتذر لهم واطلب من اخوانى الكرام أن يعتذروا اذا أخطأ أحدهم فى حقهم

ليعودوا لنا ويضيء المكان .. ودائما ان شاء الله تامين ولامين

كلام زي العسل واكتر منو كمان
اخواني الغائبين ذكورا واناثا انا بعتذر ليكم اجمعين اذا تجاوزت حدود الادب معاكم وسامحونا الموت من الحياة ما معروفة
ود التوهامي خلاص انا عفيت ليك حق القهوة العزمتني ليها واظهر وبان وعليك الامان .. الشريف خلاص دفع حق القهوة

[Abdelazim]

ان شاء الله تكونو طيبين ومنتظرنكم
والعفو والعافية

[أبو صديق]

آآآآآ الشريف أخوي قالو البدخل بين المربي وعلبتا ما ينوبو غير حلاوتا

[alsharif]

كلام زي العسل واكتر منو كمان
اخواني الغائبين ذكورا واناثا انا بعتذر ليكم اجمعين اذا تجاوزت حدود الادب معاكم وسامحونا الموت من الحياة ما معروفة
ود التوهامي خلاص انا عفيت ليك حق القهوة العزمتني ليها واظهر وبان وعليك الامان .. الشريف خلاص دفع حق القهوة

شكرا اخى شريف على تلك الدعوة والاعتذار وهى شيمتك وكرمك

وكلنا بنعتذر ونتأسف لما بدر منا إتجاه اى الاخ فى المنتديات او خارجة ونسال الله الكريم المغفرة والرحمة لنا

دمت بخير ولك ودى وتقديرى

[alsharif]

ان شاء الله تكونو طيبين ومنتظرنكم
والعفو والعافية

شكرا اخى عبدالعظيم ودائما انت صاحب القلب الكبير والابيض

لك كل التقدير والاحترام

[alsharif]

آآآآآ الشريف أخوي قالو البدخل بين المربي وعلبتا ما ينوبو غير حلاوتا

الحبيب ابوصديق دا انت المربى بعينها

لك كل الود والاحترام والتقدير

ونسال الله ان يعودوا لنا كل الاخوان الغائبين لظروفهم او زعلهم

[بشير ود تهامي]

الأخ الشريف
شكرا لك
مافي زول حردان علا بس
مرات بكون في
إستياء عام
وكده
شكرا

[بشير ود تهامي]

كلام زي العسل واكتر منو كمان
اخواني الغائبين ذكورا واناثا انا بعتذر ليكم اجمعين اذا تجاوزت حدود الادب معاكم وسامحونا الموت من الحياة ما معروفة
ود التوهامي خلاص انا عفيت ليك حق القهوة العزمتني ليها واظهر وبان وعليك الامان .. الشريف خلاص دفع حق القهوة

يا اخ شريف حمدي
انا قلت ليك (بينا تلفون) لانه الخميس والجمعة ديل
(حقت العزابة) حكر
لذلك مافي طريقة
لانه لو جيت السوق كان ضربت ليك يا اخ
نحنا عندنا (جمعية) زي الدناقلة بالضبط كده
خميس وجمعة دي ناس (ينبع وخليص وبحره ووادي فاطمة وزهبان واي مكان)
بشدو الرحال الى جدة لذلك مافي طريقة ابدا
وشكرا

[عادل القاسم]

الشريف انا ما عارف الزعلان منو من منو او من شنو.. لكن الزعلان من شخص بعينه اعتقد المفروض ما يسيب المنتدي عشانو لان المنتدي فيهو ناس غيرو.. ولو سابو عشان شخص معين هذا يعني انه فعلا هو يدخل مخصوص له فبالتالي لا يستحق ان نعتذر له.. وثانيا اظن باننا كبار سن وعقل ايضا واذا اصبح بينا زعل فيجب علينا ان نلعب مع اطفالنا في الشوارع وبالبلي استيشن وننتظر كبارنا في العصر ليحضرو لنا الحلوى..
ويا الشريف الزعلان يضرب راسو في الحيطة..
ولا نامت اعين الجبناء..

[سارة عمر]

مصيـــرو الحي يعــود تاني ويهل في ديــارنا اجمـــل عيد
بنعتزر لكل الغلطنا في حقهم بقصد او غير قصد وبقولو المسامح كريم
العفــو و العافية

[alsharif]

الأخ الشريف
شكرا لك
مافي زول حردان علا بس
مرات بكون في
إستياء عام
وكده
شكرا

اخى بشير نسأل الله الكريم الرحيم ما يكون بيننا الزعل والحرد

والاستياء العام دا بحصل بس ما بمنع انك تدخل وتسلم وتخرج فى الاسبوع مره

تقبل تحياتى

[alsharif]

الشريف انا ما عارف الزعلان منو من منو او من شنو.. لكن الزعلان من شخص بعينه اعتقد المفروض ما يسيب المنتدي عشانو لان المنتدي فيهو ناس غيرو.. ولو سابو عشان شخص معين هذا يعني انه فعلا هو يدخل مخصوص له فبالتالي لا يستحق ان نعتذر له.. وثانيا اظن باننا كبار سن وعقل ايضا واذا اصبح بينا زعل فيجب علينا ان نلعب مع اطفالنا في الشوارع وبالبلي استيشن وننتظر كبارنا في العصر ليحضرو لنا الحلوى..
ويا الشريف الزعلان يضرب راسو في الحيطة..
ولا نامت اعين الجبناء..

ليه يا عادل ماعارف من الزعلان طيب انت زعلان من ياسر وعزمى ليه

اخى عادل اشكرك على ما اوضحت وسطرت بس اختلف معاك فى الجملتين الاخيرتين

سلمت يداك لك ودى وتقديرى

[alsharif]

مصيـــرو الحي يعــود تاني ويهل في ديــارنا اجمـــل عيد
بنعتزر لكل الغلطنا في حقهم بقصد او غير قصد وبقولو المسامح كريم
العفــو و العافية

مشكوره أختى سارة وهذه هى التعاليم الاسلامية والاصول السودانية

والعفو والعافية للجميع

سلمت يداك

[عادل القاسم]

ليه يا عادل ماعارف من الزعلان طيب انت زعلان من ياسر وعزمى ليه

اخى عادل اشكرك على ما اوضحت وسطرت بس اختلف معاك فى الجملتين الاخيرتين

سلمت يداك لك ودى وتقديرى

الشريف شوف اخوي..
ولله الحمد انا عمري ما ازعل من حد.. يعني مكبر الطاسة وكدي.. لانو بصراحة انا اكبر من ازعل لي من حاجة تافهة ما تستحق تغضبني وتخليني اطلع من طوري.
ثانيا انا بجي المنتدي عشان افرفش ما عشان اراقب الناس ومطاعناتهم (ده اذا كان هناك مطاعنات وانا اشك في ذلك)..
السؤال هو يا الشريف... لماذا ندخل المنتدي...

[alsharif]

الشريف شوف اخوي..
ولله الحمد انا عمري ما ازعل من حد.. يعني مكبر الطاسة وكدي.. لانو بصراحة انا اكبر من ازعل لي من حاجة تافهة ما تستحق تغضبني وتخليني اطلع من طوري.
ثانيا انا بجي المنتدي عشان افرفش ما عشان اراقب الناس ومطاعناتهم (ده اذا كان هناك مطاعنات وانا اشك في ذلك)..
السؤال هو يا الشريف... لماذا ندخل المنتدي...

ياعادل اخوى دا سؤال مهم وبما انك سبقتنى فى الاجابة (الشق الثانى )

لكن ازيدك نمرة واحد عشان تلاقى اخوانك وتطمئن عليهم وتفرح معاهم

ونمرة واحد الثانية عشان تستفيد وتفيد

ونمرة واحد الثالثة تقابل عادل وتعرف افكاره وطموحاته وتساعده

ونمرة واحد الرابعة واذا لم تكن بذات الاهمية للتعلم لغة الواو والنون