العقارب طلعت عندها فائدة

[خالد محجوب محي الدين]

تم انتاج شكل جديد من بروتين تم الحصول عليه من سم العقرب المسمي بالعقرب الأصفر واسمه العلمي Leiurus quinquestriatus
وهو نوع من العقارب السامة المنتشرة في نطاق واسع في العالم وموجودة في السودان بكثرة
الشكل الجديد بتاع البروتين اضافو ليهو اليود المشع واثبت فاعلية في علاج واحد من اخطر انواع الاورام السرطانية القاتلة وهو سرطان الدماغ المسمي Glioma
البروتين ده اطلقوا عليه اسم 601 TM وبيحمل اليود المشع مباشرةً إلي الورم السرطاني
النتائج دي نشرت في مجلة علم الاورام السريري الصادرة من الجمعية الامريكية لعلم الاورام السريري JOURNAL OF CLINICAL ONCOLOGY
(سبحان الله حتي العقرب المضره طلعت عندها فائدة اكتر من ناس كتيرين...
(رَبَّنَا مَا خَلَقْتَ هَذَا بَاطِلًا سُبْحَانَكَ فَقِنَا عَذَابَ النَّارِ)

[عادل القاسم]

سبحان الله له في خلقه شئون..

[خالد محجوب محي الدين]

سبحان الله له في خلقه شئون..

عارف ياعدولة الخواجات ديل مربين اولادهم من صغرهم علي قوة الملاحظة عشان كده لمن يكبروا ويتخرجوا من الكليات العلمية بتلقي عندهم الاوبزرفيشن عالي جدا اما نحنا فانساني وخد عنواني ههههههههههههههههه هسع شوف العقرب الاصفر ده شغال بيقرص في الناس في منطقتنا العربية من الاف السنين وما عرفنا نعمل منو ترياق حتي ...لازم نغير سيكولوجيتنا العجيبة دي
فعلا سبحان الله وفي خلقه شئون

[عاشق الترحال]

السم بقي فيهو فايده


مشكور يا خالد علي هذه المعلومة وجزاك الله عنا كل خير .

[خالد محجوب محي الدين]

السم بقي فيهو فايده


مشكور يا خالد علي هذه المعلومة وجزاك الله عنا كل خير .

عارف ياحبيبو لو ختو كم عقرب من النوع الاصفر تحت مخدة باقان اموم وسيلفاكير هههههههههههههههه
تعطر البوست بمرورك

[عاشق الترحال]

عارف ياحبيبو لو ختو كم عقرب من النوع الاصفر تحت مخدة باقان اموم وسيلفاكير هههههههههههههههه
تعطر البوست بمرورك

تسلم يا غالي

وديل دايرين مُراح بتاع عقارب واموهم في نصو

[ودالبلال]

.....

يعني يا منقا

الواحد يتوحوح ويمد اصبعو ساااااااي لو لقى ليهو عقرب اصفر (طيب الازرق الزي بشة بنفع)

تشكر يا دكتور على المعلومة المفيدة

ودي

[ودالبلال]

وكمان طلعت ليها فايدة تانية

خاصتن لسكان الجزر النائية

لايك مطاميرو وفطقا بدل الحاجات البتجيب الريالة والعوارة

يمكن تكون وجبة دسمة

اها شوف الكيس دا

مكتوب عليهو عقارب محمرة جاهزة لللهط

[خالد محجوب محي الدين]

.....

يعني يا منقا

الواحد يتوحوح ويمد اصبعو ساااااااي لو لقى ليهو عقرب اصفر (طيب الازرق الزي بشة بنفع)

تشكر يا دكتور على المعلومة المفيدة

ودي

ملعوبة وشديدة ياحبينا ودالبلال حكاية اسقاط لون العقرب الاصفر ههههههههههههههههههه المرات الجاية حنعمل ترياق للعقارب الزرقاء هههههههههههههههههههه

[خالد محجوب محي الدين]

وكمان طلعت ليها فايدة تانية

خاصتن لسكان الجزر النائية

لايك مطاميرو وفطقا بدل الحاجات البتجيب الريالة والعوارة

يمكن تكون وجبة دسمة

اها شوف الكيس دا

مكتوب عليهو عقارب محمرة جاهزة لللهط

هههههههههههههههه عقارب نص مطهية بس الواحد يطلعه من الفريزر ويسخنه ...لكن هسع الواحد لومات من الجوع ممكن ياكل عقرب ؟؟؟