| جديد الأخبار |
|
| جديد المقالات |
|
جديد الصور
جديد البطاقات
جديد الفيديو
جديد الصوتيات
المتواجدون الآن
تغذيات RSS
|
|
يس كل ما يدرسه المرء يفهمه... تأتي الامتحانات بما لا تحتوي الكتب
01-12-2011 09:02 AM
فرح المحزون
ليس كل ما يدرسه المرء يفهمه... تأتي الامتحانات بما لا تحتوي
عارف أحمد عبدالله
يازول دقيقة إنت ماجادي ولا شنو ...
- الناس في شنو وإنت في شنو ...
- ياجماعة الخير مش الاستفتاء دا خلينا الكتابة فيهو ليكم ...
- مامعقولة الحياة تقيف عشان كلنا نكتب عن موضوع نتيجتو محسومة ...
- حصل شوفتو فريق بلعب مباراة وهو عارف نتيجتها حاتنتهي كم ...
- هسة في ذمتكم مباراة معادة وانت قريت تفاصيلها كلها في الجريدة ... الفائدة شنو تتحكر قدام التلفزيون تحضرها ... ولا هو ضياع زمن .. وحرمان لي الولد الصغير إنو يحضر أفلام الكرتون وبس ...
- المهم نرجع لي موضوعنا الاساسي ... والامتحانات البتخلي الواحد عندو الحلة سبعتاشر ...
- يازول الحالات عندها ارقام ... سبعتاشر دا مش مدثر كاريكا..
- أاي ... لكن علاقتو شنو بالأمتحانات ؟ انت جنيت ولا شنو اللمة دا مع دا شنو ..
- دقائق اشرح ليكم ما تهاجموني ساكت ...
- كاريكا لما يكون ماشي علي الحارس مش بخليهو في امتحان إنو يصد الكورة ولا تخش قون ...
- اها الامتحانات دي بتكون فيها انت زي كاريكا ... يا تجيب الكورة قوون يا تشوتها في الكشافات ... كشافات شنو في البرد دا ...
- وطبعاً لازم تعسكر في القاهرة ... قصدي في البيت قبل الامتحانات بي فترة عشان تزاكر كويس .. رغم أنو الطلاب بقو يقولو من كدة قدة ومن استراح حقق النجاح ...
- البقول زي دا اكيد معاهو الاتحاد العام ... سوري معاهو الاستاذ بتاع المادة وحا ينجحو حتي لو كتب بلة جابر ... مالها غلطاتي كترت كدا ...
- علي العموم ماتستعجلو .... والامتحانات ماتبهدل حالكم وتبشتنكم زي هياكل مشرحة مستشفي الخرطوم ...
- انا ما عارف الواحد ايام الامتحانات ببقي ضعيف زي صورة الأشعة ... وتشوفو ماشي تقول الزول دا شايلو حمار النوم ولا شنو ...
- طبعاً حماد الأقرع عندو نظرية إسمها نوم وارتاح وخلي القراية للصباح ... ودي بتقول انو الامتحان كلو بجيبوهو من برة المقرر ... ومافي داعي تقراء وتساهر ... انا مامتاكد الكلام دا صاح ولا قاطعو من فاخورتو الذي شاحن النوكيا دي ...
- لكن بالجد كدا وبيني وبينكم في امتحانات خليك زي البتعمل في حمام بخار ... تنزل كلك عرق زي الزير الجديد ... وتطقطق اصابعين سبعتاشر مرة وما تحل اسئلتها ...
- يازول انت مشكلتك مع سبعتاشر دي شنو ...
- دا ما موضوعنا هسة بشرحها ليكم في يوم تاني ...
- نرجع لي عنوان المقال ... هو كان إسمو شنو ... نسيتوني ليهو ذاتو ...
- أيوااااإتذكرت ... إنتو معاي في إنو مرات الامتحان بجي من برة المقررات ...
- دي كيف دي ... الاستاذ بضع الإمتحان من نفس المنهج الدرسك ليهو ...
- يعني دي خلعة ساي خلتك تعتقد إنو من برة المنهج .... لانو الامتحان عملوهو لي قياس مقدرتك علي استيعاب الحصة أو المحاضرة الادوك ليها ... وقدرتك علي تسطيرها - حلوة الكلمة دي مش - في ورقة الإجابة بي طريقة صحيحة ..
- هو وينو المخ البحفظ الكلام دا كلو ... الويكة لحست نصو ... والباقي سلفتو ود الجيران يقراء بيهو ويجيبو لي راجع ...
- إنت بتتكلم عن شنو يا - يا إنت ...
- أقرو كويس ما في حاجة إسمها إمتحان صعب ... إلا تكون انت ما قريت وطبقت نظرية حماد الأقرع ... هو قال شنو في نظريتو ... معقولة لحقتو تنسوها ... طيب الممتحنن لها شنو ...
- سنة يا الويكة ... أعملو حساب المفراكة الراكزاها الوالدة للزول المابنجح في الامتحانات وبجي الطيش ...
- بيني وبينكم أحلي حاجة لمن نكون مسيرين الطيش ...
- طيش الكونفدرالية والابطال ....
- هسة الجاب سيرة الطيشاب منو ...
- أستاذن ماتجيني طوبة طايرة ...
- وزاكرو كويس ... عشان تنجحو ...
- إنت بتجيب الكلام دا من وين ...
|
تعليقات الفيس بوك
خدمات المحتوى
|
عارف احمد عبدالله
تقييم
|
|
|
Powered by Dimofinf cms Version 3.0.0
Copyright© Dimensions Of Information Inc.
جميع المواضيع والمقالات والردود المكتوبة تعبّر عن رأي كاتبها ... ولا تعبّر عن رأي إدارة موقع نخبة السودان
الرئيسية
الأخبار
المقالات
الصور
البطاقات
الفيديو
الصوتيات
الملفات
0 | 
0 | 
367
