رئيس التحرير

خاف من الله..!!

الجمعة 12-01-2018 16:42

كتب

خاف من الله..!! الضاحِك في غيرَك..حتماً بيَضحك فِيك لا تبارِيهو قط ..لا تصــاحبو لا يبارِيك ما تعجبك ظواهرو ..فـي رقة يَبسُم ليك من تديهو ضهرك..يَمِـد لســــانو عليك **** الـزول الهُويــن أحســنّلك تفـارِق دربو ما بفيـدك في دُنـيا لا آخـرة شِن دايربو الزيـو المُفسِــدات كم أكلوا فيها وشِربو كم للفارغة سكوا كم طِربوا فيها ولِعبو **** صادِق لي صَديق صَادِق بِعِز لِصداقتُه ماسِك في القيّم ..معروف كمان بأمانتُه أحسِن عُشرَتو ما تخُـت بديل في خانتُه أبقى عليــهو عَشَرة أرفع دوام لمكـانتُه **** من مـولاك أحـذر ..داوِم عليها صلاتك ألزم للجماعة دواام ..صلّيها كُـل أوقـاتك حِج البيت وطوف أحرَص عليها زكاتك صوم الشهر واتطوّع قضـيهو كُل الفاتك **** الفقُر إمتحــان ..مـِن رب عليم بي حالَك أصبُر عليهوا شديد ..بِقنـاعة رَبِي عيالك ما تخاف من عَدم ..للمـــولى أنفِق مالك زائل إنت والمال ..والدنــــيا ما دايمالك **** أرعــاها الوظيــفة ..بالفـارغة ما تتـعلّل كُل يــُوم بي عُذر ..تمـرق تزوغ تتسلّل خاف مـن الله يوم حـاجة العبــاد تتعطّل ما بفيدك عُذُر ..في الأخـرة حِيـن تتحلّل **** كم غيــرك جمع …أموالوا فـات خـلّاها يكنُز فيها فرحان ..في الدُنيا بيها اتّباهى ناسي الأخرة مشغول والحــبة ما سوّاها ما بتنفع هِنـاك أموال إن سيدا ما زكّـاها الجريدة

التعليقات مغلقة.

معتز مطر: السودان تحرر جنودنا المخطوفين و ضحكات السيسي تتعالي مع الشباب .. ؟!!